Dan Plato

in Wikipedia, die vrye ensiklopedie
Jump to navigation Jump to search
Daniel Plato
Dan Plato
Dan Plato in 2018

32ste Burgemeester van Kaapstad
Ampsbekleër
Ampsaanvaarding
6 November 2018
Vise Ian Neilson
Voorafgegaan deur Patricia de Lille
Ampstermyn
12 Mei 2009 – 1 Junie 2011
Vise Grant Haskin
Ian Neilson
Voorafgegaan deur Helen Zille
Opgevolg deur Patricia de Lille

Wes-Kaapse Provinsiale Minister van Sosiale Ontwikkeling
Ampsbekleër
Ampsaanvaarding
1 Junie 2011
Eerste minister Helen Zille
Voorafgegaan deur Albert Fritz

Persoonlike besonderhede
Gebore 5 Oktober 1960 (1960-10-05) (58 jaar oud)
Kaapstad
Politieke party Demokratiese Alliansie

Daniel "Dan" Plato (gebore op 5 Oktober 1960[1]) is die uitvoerende burgemeester van Kaapstad, Suid-Afrika,[2] en die voormalige Provinsiale Minister van Sosiale Ontwikkeling in die Wes-Kaap.[3] Hy was betrokke by politieke aktiwiteite sedert die hoërskool, veral in Kaapstad se noordelike voorstede.

As 'n gemeenskaplike organiseerder, het hy 'n groot rol by die saamtrekking van mense teen die apartheidsregime gespeel. In die middel-1980's, het hy in die Nooddienseenheid van die voormalige Bellville Munisipaliteit (Tygerberg Administrasie) gewerk, en hy het Kaapstad se voorsitter van die Suid-Afrikaanse Nasionale Tuberkulose Vereniging in die middel-1990's geword.

In 1996 het Plato 'n raadslid en voltydse politikus geword. Hy het twee termyne as voorsitter van Kaapstad se ekonomiese ontwikkeling, toerisme en eiedomsbestuur Portefeuljekomitee gedien en tussen 2006 en 2009, het hy die Behuising Portefeulje in die burgemeesterskomitee gelei. Gedurende hierdie tydperk, as ondervoorsitter van die DA Metro-streek en DA-koukus in Kaapstad, het hy ook as waarnemende uitvoerende burgemeester by verskeie intervalle gedien. Kort voordat hy tot uitvoerende burgemeester in Mei 2009 gekies is, het Plato as die burgemeesterskomiteelid verantwoordelik vir dienslewering en ekonomiese ontwikkeling geword.

As 'n toegewyde wyksraadslid wat Belhar, Uitsig en Ravenmead gedien het, was en is Plato steeds verbind met maatskaplike opheffing en verligting van armoede. Tydens sy ampstermyn as burgemeester, het hy baie werkskeppingsprojekte begin en het hierdie een van die fokuspunte van sy burgemeesterskomitee se agenda gemaak. Benewens sy politieke werk, het Plato op die direksies van 'n wye verskeidenheid van organisasies, insluitend die Kaapse rolprentkommissie, Kaapse Toerisme, die Universiteit van die Wes-Kaap en die Business Opportunities Network gedien, was 'n lid van verskeie gemeenskapsgebaseerde fondasies en het veldtogwerk teen MIV/vigs, vir die regte van vroue en jeugontwikkeling gedoen.[4]

Tweede termyn as burgemeester van Kaapstad

Aankondiging as kandidaat

In Augustus 2018 het Plato aangekondig dat hy 'n kandidaat was om Patricia de Lille as burgemeester van Kaapstad te vervang nadat De Lille aangekondig het dat sy op 31 Oktober 2018 effektief sal bedank.[5]

Op 18 September 2018 het die Demokratiese Alliansie aangekondig dat Plato die Lille sal vervang. Hy het prominente kandidate soos die Spreeker van die Wes-Kaapse Provinsiale Parlement, Sharna Fernandez en Adjunk Burgemeester van Kaapstad, Ian Neilson, oorwin.

Verwysings

  1. Mr Daniel "Dan" PLATO”. Who's Who of Southern Africa. URL besoek op 21 Augustus 2009.
  2. (en) Dan Plato: Everything you need to know about Cape Town’s next mayor”. 18 September 2018. URL besoek op 31 Oktober 2018.
  3. Cape Town names new mayor”. 12 Mei 2009. URL besoek op 31 Oktober 2018.
  4. Western Cape Government – Minister Profile”. 22 Augustus 2012. URL besoek op 31 Oktober 2018.
  5. https://www.iol.co.za/capeargus/news/dan-plato-itching-to-wear-capes-mayoral-chains-again-16523601


Voorafgegaan deur
Patricia de Lille
Uitvoerende Burgemeester van Kaapstad
2018–hede
Opgevolg deur
Ampsbekleër
Voorafgegaan deur
Helen Zille
Uitvoerende Burgemeester van Kaapstad
2009–2011
Opgevolg deur
Patricia de Lille
Voorafgegaan deur
Albert Fritz
Wes-Kaapse Provinsiale Minister van Sosiale Ontwikkeling
2011–2018
Opgevolg deur
Ampsbekleër